Sabtu, 07 Mei 2011

Kenapa Harus "MARANTAU"

Beritahu Teman Anda Tentang Web Ini Print Download artikel ini dalam format PDF
Salamu'alaiku...;''karakok madang dihulu, babuah babungo balun,marantau bujang dahulu, dikampuang paguno balun Falsafah diateh bagi sebagian besar urang minang terutamo bagi si buyuang iyolah tapakai bana...
Setelah ambo baco-baco berbagai macam artikel di i-net dibantu samo mak google ternyato sakitar 2/3 urang minang kini hiduik di parantauan.. salah satu sebabnyo kecek para ahli budaya nan mampalajari kemungkinan karano sistem kekerabatan nan ado di ranah minang bersifat matrilinear... sagalo harato-pusako dipacik dek induak-induak, nan laki-laki cuma dapek harato-sako (gelar kehormatan kaum)..antah iyo ntah ndak, dak lo tau wak do..
Marantau bagi urang mudo memang bagus..mangtabs... apopun alasannyo apokah itu pai sikolah, mancari kehidupan baru, dsb macamnyo. namun, kalau dicaliak kini, apolai di kampuang-kampuang yo lah sabana kosong lorong-lorong kampuang... tingggalah gaek-gaek nan lah mulai ringkih samo paja -paja nan baru sikolah se de... indak ado pauni kampuang kini lai doo.. surau lah banyak lapuak dek karano ndak ado nan manunggui. tanah pusako lah banyak nan indak tauruih dek karano anak kamanakan lah bih barangkek kakota kota gadang mancari kahidupan baru.. samantaro urang kota bana banyak kini mancari lahan investari ka desa-desa (lagunya Franky S "Desa")

Makonyo kalau tajadi zaman kini mamak mamak di kampuang nan lah mulai malego harato pusako saketek demi saketek ka urang lain diluar nan dipabuliahkan dek adaik ambo raso lah wajar2 sajo.. kamanakannyo lah abih di kampuang...kalaupun pulang itu cuma sasakali sambia malagakan harato pancariannyo di rantau.. lalok dirumah sabanta, tu lah barangkek lo jo anak bini pai bajalan-jalan ka bukiktenggi, dek sasakali pulang namonyo... harato indak ado nan maurus di kampuang...

Padohal kehidupan di kota terkadang indak lah samanih nan didanga...paik malahan..sapaik-paik iduik di kampuang untuak pakaro makan masih bisa juo... dikota..kalau ndak mangakeh mangango lah.... lah banyak ambo liek kawan-kawan samo gadang atau urang kampuang ambo sandiri nan malaraik di parantauan..tapi untuak hiduik baliak ka kampuang indak talok..bukan karano indak ado tanago lai untuak iduik di kampuang, tapi gengsi lah talampau tinggi..

Dulu manga urang minang banyak nan hebaik..banyak nan berkiprah di tingkek nasional.. karano diwaktu pandahulu awak ketek,wakatu nyo mudo.. banyak urang urang cadiak pandai, alim ulama disakaliliangnyoo... kini masih banyak juo nan hebaik.. lah jadi urang di parantauan..lah bih pado tinggi sikolahnyo.. tapi takadang nyo lah lupo samo kampuangnyo..lupo jo urang kampuangnyo..apo nan nyo palajari,apo nan didapek dak sempat dibagi ka kampuang nyo..sahinggo terjadi lah kini kemerosotan SDM besar-besaran di ranah minang.. dan iko kan berlanjut taruih sampai waktu nan indak ditentukan..

Memang banyak sikolah nan rancak di sumbar.. lah banyak malahan kini sikolah unggulan... tapi untuak hiduik manuruik ambo indak bisa bermodalkan buku sikolah... teori samo praktek beda.. gamang nan tajadi kalau lah lapeh ke kehiduupan nan sabananyo.. nan diparalukan untuak hiduik bukan lah semata didapek dari sikolah, sumber-sumber lain harus tersedia pulo... itu nan lah mulai langgka di ranah minang..,,

Mako indak salah kalau di Sumbar terjadi peningkatan angka pengangguran besar-besaran.. apakah itu tamatan sekolah menengah ataupun nan lah bertitel sarjana... katiko ado pembukaan lowongan karajo bagadincik pai malamar.. buka CPNS, bapuluah ribu manyodorkan ijazah....
fenomena apo nan tajadi kini di kampuang awak manuruik uda - uda, uni - uni sakalian kini... lah abih barabuik untuak manjadi anak buah urang kini... bukan barabuik untuak manjadi induak samang... lah jauah bageser kalau dibandiang samo dulu...,

Ambo raso labiah saparoh penghuni regional minang ko barado diparantauan. nan pulang kok lai ado sakali sataun wakatu hari rayo... apo ndak ibo uda-uni sakalian maliek generasi mudo minang zaman ka datang... mungkin bih manjadi tki atau tkw sadonyo ndak..atau manjadi buruh pabrik,saketek nan cubo maadu untuang mambukak usaho surang... dan sangat sedikit sekali mungkin nan bisa berkiprah ditingkat nasional.... wallahualam

Salut untuk para uda-uda uni-uni nan amuah batahan dikampuang walaupun hanyo sekedar manjago warnet... tapi lah punyo andil luar biasa mencerdaskan generasi yang akan datang
Mungkin iko hanyo kagamangan ambo,buah pemikiran ambo nan masih dangkal, maklum umua baru sataun jaguang, darah baru satampuak pinang
ditunggu komentar uda uda uni uni sakalian:''

wassalam..
paremansantiang

0 komentar:

Poskan Komentar

Silahkan Tinggalkan Komentar Anda,Kritik Dan Saranya Sangat Ber Arti

◄ Posting Baru Posting Lama ►
 

Copyright © 2012. MAHKOTA CAHAYA - All Rights Reserved B-Seo Versi 4 by Blog Bamz